剛過去的星期五是舊上司的last day
晚上同一大班同事去唱歌

席間     飲左okay多的酒
醉了
但反而向佢講出心底話

真的     很佩服佢
我所認識的 都係佢教
從前     覺得佢好情緒化     無management skill      亦時常死牛一面頸
但無可否認 成本MT都係靠佢所支撐

當夜     同佢講起時     忍不住哭了
很想     再講一次多謝你
我會努力工作
同時希望佢日後可以不用再撐得太辛苦

雖然之後其他同事的說話okay難聽
不過     那應該沒有惡意的
我不會放於心上

昨日     有朋友告訴我     他很寂寞
想安慰佢     可惜我不善辭令

而家覺得好對佢唔住
在需要人在身邊時     我又乜都做唔到

只係
每個人也有這些時候
在我而言     如果可以在寂寞時想起一個人
一個願意聽我向佢說真心話     又或者係任何無關連的說話
那至少可以知道     寂寞只係一時的情緒起伏     而不是真實

而且     多謝你想起的是我
祝
快樂

期待左好耐的日本之旅
平淡咁過左
其實咁反而更好
簡簡單單的    雖然都有D小爭執
但我自己覺得對我地之間唔係壞事

一齊左3年多
好多時間都無吵架
我都記得你話過想我地間唔中吵下
可以多D了解
而不會只係掛住遷就對方

另外
希望今次的旅行
可以令你回復過來

還有   我永遠都是支持你的

到底發生左咩事呢
成日都有一種掌握不住自己人生的感覺

過往不開心時 通常會這樣想
其實現在我擁有很多
比起其他人 我幸福得多

現在也是一樣
我依然擁有很多 甚至比過去任何時間都要多
可是我依然有很重的無力感

朋友們 其實同你地一齊吹水
係我最珍惜的時間
我不會介意流連到幾夜
亦不會介意無所事事到幾時

kiwi 同你在一起的時間
係我最舒服的時間
我可是完全做回我自己

我不是一個浪漫的人
亦不太會討你歡喜
可是 你始終對我不離不棄

對
我真的擁有很多
可是 除了這些時間
我都真係好唔開心

24-06-07

我半年無新entry了......

即使而家有　都唔係好消息......
辭職可以好容易
不過之後緊接的事卻煩得很

彭仔又走左了
唔知2009仲會唔會再見

廿四味租屋
我絕對支持 希望可以成事

唉
身邊的都係無聊至極的事
難怪自覺愈來愈呆板

14/12

最近這一段時間都在做part-time
由於佢地趕住出年年頭出戲劇年鑑
工作也趕急起來
每天對住像山一樣多的戲劇資料
那些主辦機構　翻譯　音樂總監　xyzz
呼~~

常常一早回到公司　轉眼間已經到中午
胡亂吃點東西　就再回到公司
不停做做做　不一會又到下班時間

這種生活方式
比很多已經在上班的朋友
其實輕鬆很多
而我也喜歡這樣生活

忙　總比空閒在家好
無所事事
寄出數十封信　
明知道機會有多渺茫　也只能在期待
有很深的無力感
家人的催促與著急是無可避免
但自己只有在心內難受　而找不到被別人信任的理由

閒時　看別人的日記
常會感覺他們很久沒新entry
我想也是因為他們有了新的生活方式
在向新的目標前進
我仍在原地踏步　不進則退

明天　再一次有機會面試
要謝謝巴打的幫助

希望　今次可以成功
混沌靡爛的生活　是時候要結束了